دستور جمهورية الفيس بوك

بعد الاستفتاء علي التعديلات الدستورية بادر شباب الفيس بوك بعمل اكثر من صفحة اشتملت علي دستور خاص لجمهوريتهم الافتراضية‏،‏ تحت مبدء "احنا اللي عملنا الثورة وعملناها من ع الفيس بوك لذا قررنا اقامة جمهورية علي الفيس بوك.

وقد اختلفت مواد هذا الدستور بين صفحة و اخري و ان اجتمعت جميعها علي حس الفكاهة المصري المعروف و من بين بنود احدي تلك الصفحات ‏:

المادة 505 : توزيع دراع بلاستيشن ع كل ذكر واقامة دوري عام وكاس مصر للبلاستيشن

المادة 605 : ﺗﻌﺪﻳﻞ ﻣﻨﻬﺞ ﺍﻭﻟﻰ ﺍﺑﺘﺪﺍﺋﻰ: ﻣﺰﺗﻰ ﺧﻄﻴﺮﻩ ﺍﺳﻤﻬﺎ ﺳﻤﻴﺮﻩ .. ﺟﺴﻤﻬﺎ ﺟﻤﻴﻞ ﺷﻌﺮﻫﺎ ﻃﻮﻳﻞ .. ﺭﻏﻴﻬﺎ ﻣﺴﻠﻰ ﻭﻫﻰ ﻟﻰ ﻛﻈﻠﻰ .. ﺧﻠﺘﻨﻰ ﺑﻤﻬﺎﺭﻩ ﺍﺳﻴﺐ ﺣﺒﻴﺒﺘﻰ ﺳﺎﺭة

الماده 705 : اقامه سينما في الجامعة وتكون التذاكر باسعار رمزية للطلبة

بينما اعلنت صفحة اخري بنود دستورية شاملة علي حد تعبيرهم و هي :

المادة 1: ماما تسيبني أنام لحد ما أزهق
الماده ‏234:‏ ممنوع البنات تتجوز غير اللي تختاره حتي لو كان عم عبده البواب
الماده ‏401:‏ الكركديه هو المشروب و لو مش عاجبك نديها سحلب
المادة 403: كل مواطن لية كيس اندومي في اليوم
الماده ‏405:‏ الفيس بوك هو مصدر التشريع
الماده ‏406‏ :عيد الحب اجازة رسمية
الماده ‏407:‏ الانترنت ببلاش
الماده ‏501 :‏ الغاء التنسيق‏......‏ اللي عايز كلية يدخلها
الماده ‏503:‏ كل واحد من الشعب يحكم يوم
الماده ‏504‏ :عمل امتحان لكل الشعب في الدستور ويكون امتحانا سنويا والراسب يطرد من الجمهورية مع شرب كمية كبيرة من المشروب الرسمي
المادة ‏505 :‏ توزيع دراع بلايستيشن علي كل مواطن، واقامة دوري عام وكاس مصر للبلايستيشن
الماده ‏555:‏ كل مواطن في مصر يملك شاليها في مارينا
المادة 585: يعملوا وزارة للضحك ويخصصوا فترة كده فى اليوم علشان الشعب يضحك فيها وان يكون الضحك اجباريا واللي مش هيضحك هيتحبس
المادة ‏601:‏ اعطاء كل مواطن يحمل الجنسية المصرية مليون جنيه من أموال الشعب المسروقة
المادة ‏605:‏ الحصه الاولي تبدا الساعه‏8‏ ونخرج من المدرسة ونروح الساعة‏8.30‏
المادة 652 : إضافة كراسى للمرشحين فى مجلس الشعب عن دايرة الفيس بوك فئات
المادة ‏705:‏ ان يحصل الأهلي علي الدوري المصري كل سنة وبدون مشاركة